أمســح دمـع عيونـك
.....ماعاش من هـو يبكيـك
حـرام مدمـع جفونـك
.....يقتل الورد فـي خديـــك
لاتـروح بعيـد ظنونــك
.....علـى الفاضــي توديـــك
من قـال انـي بخونـــك
.....لو تصدقين أزعل عليـك
نسيــت وعـد مجنونــك
.....و الا الكـلام مثـر فيــك
خل النـاس لايغوونـــك
.....اتركـهـــم وش علـيــــك
أرســم ضحـك سنونـك
.....وأخــذ الحقايــق تجيــك
عقلي وروحي يحبونـك
.....هذا القلــب ملــك يديـــك
تبيــي عيونــي يجونــــك
.....بسنين عمــري أفتديــك
بإحساس دافي أصونـك
.....بحنان صدري محتويــك
ليلــي ونهــاري يبونـــك
.....أرخص الغالي وأشريـك
كلـــي لــك لايهمـونــــــك
.....مكذبـنـــي وش فـيـــــــك
شفتـــي الدنيــا بدونـــــك
.....فاقـــده شـــي تنـاديـــــك
بهجـــة سماهــا بلونـــــك
.....عشق النجـوم يباريــــك
ساعة فـــرح يعيشونــــك
.....عن حـزن ليلــي ناهيـــك
يروي الأرض نقع مزونك
.....ربيعهــا وطــئ رجليــــك
أحمراللون.....و ليمونــك
.....أحلى الورد هذا أهديـك
بكــل الحــب يمسونـــــــك
.....أضحــــــــكـ الله يخلـيـــــك
على قلبـي علـى هونــــك
.....عســى عينــي ماتبكيــك
موضوع: ~~مــاعاش منهــو يبكيــــكــ..~~ 
الإثنين سبتمبر 01, 2008 6:00 am
